- Aldur: 8 ára og eldri
- Tímabil: 29. júní – 3 júlí
- Klukkan 10:00 – 14:00
- Kennslustaður: Íþróttahúsinu
- Verð: 10.000
- Fjölskylduafsláttur: 10%
Skràning hjá Sigurði Vopna í síma 8690624 eða email siggi.vopni@gmail.com
Nemendur kynnast töfrum sirkuslistanna og spreyta sig á fjölbreyttum sirkusáhöldum. Við lærum sviðsframkomu og setjum saman stutt sirkus- og trúðaatriði. Í lok námskeiðsins bjóðum við fjölskyldu og vinum til sannkallaðrar sirkusveislu þar sem við leikum listir okkar!
Við munum húlla húllahringjum, djöggla slæðum, boltum og hringjum, dansa með fimleikaborða, leika okkur að blómaprikum, kínverskum jójóum og sveiflusekkjum, læra sirkusfimleika og akró, láta eins og alvöru trúðar, vagga á veltibrettum, halda jafnvægi á töfrafjöðrum, leika kúnstir með kínverska snúningsdiska og læra alvöru loftfimleika í silki!
Áhersla er lögð á sköpunargleði, samvinnu og það að þáttakendur uppgötvi og njóti eigin styrkleika. Sirkuslistirnar styrkja líkamlega getu, jafnvægi og liðleika en þroska líka einbeitingu, styrkja sjálfsmynd og kveikja í ímyndunarafli og sköpunargleði.
Húlladúllan er sjálfstætt starfandi sirkuslistakona, búsett á Ólafsfirði. Hún er lærður sirkuskennari og hefur kennt og sýnt með Sirkus Íslands og breska sirkusnum Let’s Circus auk þess að koma fram á ýmsum viðburðum á alþjóðlegri grundu.
Húlladúllan 